Што е корона?
Коронавируси (латински: Orthocoronavirinae, Coronavirinae) — група на вируси кои предизвикуваат болести кај цицачите и птиците. Кај луѓето, вирусите предизвикуваат дишни инфекции кои типично се лесни, вклучувајќи обична настинка.
Новиот коронавирус COVID-19 (коронавирусна болест 2019) — вирусна дишна болест предизвикана од новиот коронавирус SARS-CoV-2 за кој се смета дека е од животинско потекло.
Како и кај другите дишни заболувања, инфекцијата со вируси SARS-CoV-2 може да предизвика благи симптоми, вклучувајќи течење на носот, болки во грлото, кашлица и треска. Кај некои луѓе, може да предизвика сериозна болест, како пневмонија или останување без здив. Ретко, болеста може да биде смртоносна. Постои зголемен ризик кај постари лица и лица со претходно постоечки хронични состојби (како што се дијабетес и срцеви заболувања).
Начин на ширење
Главниот начин на инфекцијата кај луѓето е пренесување од човек на човек, што обично се јавува преку издишани те капки на заразените лица кои кашлаат или издишуваат.
Периодот на инкубација е генерално помеѓу 2 и 14 дена.
Некои заразени лица може да имаат инфекција без да покажат клинички симптоми, затоа се препорачува лицата во близок контакт со потврдени заразени пациенти да бидат прегледани и да се следат за да се исклучи инфекцијата.
Симпптоми
Најчести симптоми на COVID-19 се треска, замор и сува кашлица. Некои пациенти може да имаат болки, назална преоптовареност, течење на носот, болки во грлото или дијареја. Овие симптоми обично се умерени и започнуваат постепено. Некои луѓе се заразуваат, но не развиваат никакви симптоми и не се чувствуваат лошо. Повеќето луѓе (околу 80%) закрепнуваат од оваа болест без да имаат потреба од посебен третман. Околу 1 од секои 6 лица кои се здобиле со COVID-19 се сериозно болни и развиваат отежнато дишење. Возрасните луѓе и оние со сериозни медицински проблеми како што се висок крвен притисок, проблеми со срцето или дијабетес, имаат поголема веројатност да развијат сериозни заболувања. Луѓето со треска, кашлица и отежнато дишење треба да побараат лекарска помош.
Дали има лек / вакцина?
Во моментов нема одобрен лек или вакцина за третман на болеста. Превенцијата е слична како и кај другите видови грип, каде потребно е да имате соодветна хигиена на рацете, сигурна прехрана и да избегнувате близок контакт со секој кој има симптоми на дишни заболувања, како што се кашлање и кивање. Се препорачува редовно миење на раце и оддалечување од луѓе кој кашлаат.
